រណ្តៅដីជម្រៅប៉ុនហ្នឹងហើយនៅឡើយតែមន្ទីររ៉ែនិងថាមពលខេត្តសៀមរាបមិនទាន់មានចំណាត់ការទប់ស្កាត់ទៀត

ខេត្តសៀមរាប: រណ្តៅដីដ៏ធំសំបើមនិងមានជម្រៅជ្រៅហួសកំរឹតរបស់លោក សេង មង្គល ស្ថិតនៅភូមិកន្ត្រក សង្កាត់ចក ក្រុងសៀមរាប ខេត្តសៀមរាប មិនទាន់មានមន្ត្រីពាក់ព័ន្ធណាម្នាក់ចុះទៅត្រួតពិនិត្យនឹងហាមឃាត់ឡើយ។

នេះបើយើងតាមប្រភពព័ត៌មានដែលអង្គភាពសារព័ត៌មានយើងទទួលបានកន្លងមកបានអោយដឹងថារណ្តៅដីមួយនេះមានជម្រៅជ្រៅដែលជាកក្តាមួយធ្វើអោយមានការព្រួយបារម្មណ៍នៅពេលរដូវវស្សាមកដល់មានការលិចលង់គោ ក្របី របស់ប្រជាពលរដ្ឋ។

នៅរសៀលថ្ងៃទី២០ ខែមករា ឆ្នាំ២០២៥ នេះក្រុមការងារសារព័ត៌មានយើងបានចុះដល់ទីតាំងខាងលើឃើញថារណ្តៅដីខាងលើនេះពិតជាមានជម្រៅជ្រៅដូចអ្វីដែលប្រជាពលរដ្ឋលើកឡើងពិតប្រាកដមែន។

ជុំវិញករណីរណ្តៅដីជ្រៅខាងលើនេះលោក ឡុង លាត ប្រធានមន្ទីររ៉ែនិងថាមពលខេត្តសៀមរាបមិនមានអ្វីបកស្រាយច្រើនទេគ្រាន់តែនិយាយយ៉ាងខ្លីថា ចាំគាត់នឹងចុះទៅម្តងទៀត។

ដើម្បីកុំអោយមានការព្រួយបារម្មណ៍នឹងភ័យក្លាចរបស់ប្រជាពលរដ្ឋក៏សូមសំណូមពរដល់អាជ្ញាពរពាក់ព័ន្ធសូមមេត្តាទប់ស្កាត់ហាមឃាត់ដល់ក្រុមឈ្មួញជីកយកអាចម៍ដីលក់ទាំងអស់នេះ កុំដើម្បីតែផលប្រយោជន៍របស់ខ្លួនមិនគិតដល់ផលប៉ះពាល់របស់ប្រជាពលរដ្ឋ៕